والله اني ادعي لك بكل وقت يا اسيرة قلبه على الزيت هذا

السلام عليكم ورحمة الله وبركاته
بصراحه انا حابه اقولكم عن تجربتي مع الزيت الي قالت لنا عنه اسيرة قلبه الله يوفقها دنيا واخره لانها حققت لي حلم انه شعري يكون حلو وناعم وطويل والله العظيم اني خلاصت اول علبه سويتها والحين بديت بالعلبه الثانيه من جديد ولا راح اوقفه ان شاء الله لين يوصل شعري للطول الي ابيه خلوني اقولكم عن الزيت وش سوى لشعري
والله العظيم وربي يشهد على كلامي انه نعم شعري بشكل مو طبيعي وصرت ما استشوره الا بالمناسبات الكبيره بس وصار له لمعه واضحه وبصراحه راحت التقصفات الي بشعري من فوق وطول عن اول وحتى اهلي لحظو هالشي :shy:
وحابه اقول ملاحظه لكم يا عرايس وطبعاً بعد اذن اختي اسيرة قلبه لاني انا بتكلم عن تجربتي الخاصه وانا اقراء الموضوع لقيت وحده كاتبه انها استخدمته ونشف او خشن شعرها او انه سبب لها جفاف بالشعر بصراحه انا اول ما اغسل شعري وهو توه فيه مويه يكون ناشف وخشن بس والله العظيم انه اول مايجف عن المويه يطلع نااااعم ولمعته روعه (هذي عن تجربتي )
كان ودي افيدكم واحد لكم رابط موضوع اسيرة قلبه بس بصراحه انا جديده بالمنتدى ولا اعرف كيف تحطون روابط للصفحات بس بقولكم كيف تسوونه
الطريقه
علبة زيت الوزير +كاسة(في ناس تسميها بياله) مسمار مطحون +ثومه كامله(مو فص واحد صغير لا كااامله)
تبشرون الثوم صغير مرره وتطحنون المسمار وتخلطونهم مع الزيت وتخلونهم يومين بعدين تستخدمونه مرتين بالاسبوع لمده ساعه او ساعتين اكثر شي(بصراحه انا احطه ساعه وحده بس)
ملاحظه: هي ريحت الزيت مع الثوم قويه شوي بس وانتي حاطته البسي القبعه البلاستيكيه عشان الريحه وانا بصراحه اول ما اطلع وغاسله شعري بعد الزيت ابخره بعود وبخور وهو مبلول عشان ريحة الثوم مابيها تبقى بشعري واذا قلت لحد اني اسوي هالزيت بشعري يقولون ماشاء الله مافيه ريحتة ثوم ولا شي الحمدالله
بصراحه انا استفدت من هالزيت كثيييير وربي اني كل مالمسة شعري قلت الله يوفقك بحياتك يا اسيرة قلبه وين ماتروحين وحبية اني اكتب لكم تجربتي
تقبلو تحياتي